Фаворитките почнаа без проблеми во новата сезона во женската ракометна Суперлига на Македонија. ЖРК Металург го декласираше Пелистер во Битола со убедливи 24-42. Марија Тасевска и Ивана Арсениевска со седум гола беа први виолини во Металург.
ЖРК Куманово исто така дојде до убедлив триумф откако го победи Спартак со 18-34. Тимската игра е главно оружје на кумановки. Дури три ракометарки мечот го заврши со по пет гола (Пецанова, Кирпијановска и Џакмиќ) додека по четири постигнаа Ивановска и Чокели.
ЖРК Чаир во последниот меч од ова коло дома беше убедлив со Кузман Вардар. Чаирчанки на крајот дојдоа до триумф од 39-19. Како и кај Куманово голем дел од ракометарките на Чаир се запишаа во листата на стрелците, oд кои по четири гола постигнаа Мартиновска, Николовска и Динарица.
РЕЗУЛТАТИ 1. КОЛО СУПЕРЛИГА ЖЕНИ:
ЖРК Пелистер – ЖРК Металург 24-42
Стружанка – Вардар СЦБТ 20-30
Спартак – ЖРК Куманово 18-34
Гевгелија – Деспина 26-29
Овче Поле – Шампион 23-27
ЖРК Чаир – Кузман Вардар 39-19
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
