Возачот на Трекхаус, Раул Фернандез, триумфираше на Големата награда на Велика Британија како дел од сезоната од шампионатот во Мото ГП.
Шпанецот ја забележа својата втора победа во „кралската класа“ на патеката Силверстоун, прва по октомври, кога победи на своето деби на Филип Ајланд. Со тоа, Фернандез по 12. пат во кариерата се искачи на највисокото скалило на подиумот, а истовремено стана и 12. различен победник на Големата награда на Велика Британија во последните 12 изданија на трката.
На целта, Фернандез беше три секунди пред Хорхе Мартин на Априлија, додека Марко Бецеки се искачи на третото скалило од подиумот по една херојска трка. Со тоа, Италијанецот го заокружи тројниот триумф за Априлија, само четири недели откако ја скрши клучната коска на патеката Заксенринг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
