Еуфорично се прославуваше големата победа над Фарските Острови и пласманот на СП 2025 на теренот веднаш по последниот свиреж на сирената, а славјето продолжи и во соблекувалната каде на репрезентативците и стручниот штаб им се приклучи и раководството на Ракометната Федерација на Македонија.
Претседателот Мукаетов и Генералниот секретар Милошевски им ја честитаа на ракометарите оваа извонредна победа, по што традиционално, со пиво беше залиен триумфот и визата за уште едно големо натпреварување.
Од доаѓањето на Мукаетов на чело на Ракометната Федерација на Македонија, нашата машка национална селекција е редовен учесник на сите големи натпреварувања повеќе од десет години наназад, па првиот човек на куќата на ракометот има на што да е горд, особено по ваков камбек пред полна сала со еуфорична публика.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
