ФФМ исплати 9,5 милиони евра кон домашните клубови согласно распределбата од УЕФА: За Шкендија – 5,7 милиони, за Вардар – 880.000 евра!

Управниот одбор на ФФМ ја потврди распределбата на финансиски средства од УЕФА кон домашните клубови од Прва, Втора, Женска МФЛ и Прва футсал лига.

Имајќи ја предвид важноста на овие средства за развојот на клупскиот фудбал, како и обврската за транспарентно и отчетно управување со истите, вкупниот износ на средства што ФФМ ги има префрлено кон клубовите во сезоната 2025/26 изнесува 9.414.689 евра.

Средствата се распределени согласно утврдените критериуми и механизми на УЕФА, и според европските настапи, водејќи сметка за правичноста, одржливоста и поттикнувањето на развојот на клубовите на сите нивоа на натпреварување.

Детален преглед на распределбата по клубови:

Женска МФЛ и футсал

ЖФК Љуботен – 227.000 евра

КМФ Форца 2015 – 60.000 евра

Клубови – Прва МФЛ

ФК АП Брера – 180.583 евра

ФК Аресими 1973 – 180.583 евра

ФК Башкими 1947 – 180.583 евра

ФК Вардар – 880.583 евра

ФК Македонија ЃП – 180.583 евра

ФК Пелистер – 180.583 евра

ФК Работнички – 541.583 евра

ФК Силекс – 505.583 евра

ФК Струга Трим Лум – 180.583 евра

ФК Тиквеш – 180.583 евра

ФК Шкендија – 5.771.699 евра

Клубови – Втора МФЛ

ФК Беласица – 10.944 евра

ФК Брегалница 2008 – 10.944 евра

ФК Вардар Неготино – 10.944 евра

ФК Големо Коњари – 10.944 евра

ФК Детонит Јуниор – 10.944 евра

ФК Каменица Саса – 10.944 евра

ФК Кожуф Гевгелија – 10.944 евра

ФК Новаци 2005 – 10.944 евра

ФК Осогово – 10.944 евра

ФК Охрид Лихнидос – 10.944 евра

ФК Преспа – 10.944 евра

ФК Скопје – 10.944 евра

ФК Слога 1934 – 10.944 евра

ФК Тетекс 1953 – 10.944 евра

ФК Шкендија Арачиново – 10.944 евра

Меѓу другото, Управниот одбор на ФФМ го разгледан извештајот од Ад хок комисијата за ревизија на едукативниот процес за стекнување и издавање на ПРО тренерски лиценци. По завршување на работата и целокупниот процес на Комисијата, на една од следните седници на Управниот одбор ќе биде доставен финален извештај.