Македонската фудбалска репрезентација ги чека бараж натпреварите за пласман на идното Светско првенство, а во меѓувреме ФИФА ги објави деталите за ждрепката за групите на Мундијалот, која ќе се одржи на 5. декември.
На идното СП ќе настапат рекордни 48 селекции, а Македонија ќе мора да мине најпрво преку Данска, а потоа евентуално со победникот од дуелот Чешка – Ирска за првпат да се пласира на едно Светско првенство.
Доколку успее во оваа тешка мисија, тогаш Македонија ќе биде сместена во четвртиот шешир и ќе добие силни противници на тој пат. Македонија не може да добие ниту еден од квалификантите кои играат во плеј-офот на УЕФА, а неможе да се падне во иста група и со селекциите на Јордан, Капо Верде, Гана, Курасао, Хаити и Нов Зеланд, кои се исто така во четвртиот шешир.
Белгија, противникот на Македонија во квалификациите се најде во првиот шешир, заедно со домаќините Канада, Мексико и САД, потоа селекциите на Шпанија, Аргентина, Франција, Англија, Бразил, Португалија, Холандија и Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
