Ливерпул најави дека ќе стори се за да ги задржи своите најдобри фудбалери, а тоа го потврди потпишувајќи нов договор со Роберто Фирмино. Иако стариот истекуваше во јуни 2020 година, „црвените“ се договорија за да го задржат Бразилецот во своите редови до 2023 година, како награда за извонредната сезона во која тој постигна 26 погодоци и имаше 17 успешни асистенции.
„За мене ова беше лесна одлука. овој клуб ми помогна да созреам, уживам да играм за Ливерпул, ја имам поддршката на целиот тим и навистина сум пресреќен што сум дел од клубот. Мило ми е што добивам шанса уште долго да го носам дресот на Ливерпул“ – изјави Фирмино.
Во тек се и преговорите со Мохамед Салах, кој според британските медиуми ќе потпише договор пред почетокот на светскиот шампионат, со што ќе стави крај на шпекулациите за мега-трансфер во Реал Мадрид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
