Формула 1 го продолжи договорот со Лас Вегас за уште десет години, па трките ќе се одржуваат во тој американски град барем до 2037 година.
Првата трка во Лас Вегас се одржа во 2023 година, кулминирајќи го деценискиот напор за враќање на шампионатот во градот и правење на познатата Стрип Авенју дел од патеката.
За да се обезбеди успехот на проектот, Формула 1 инвестираше околу 500 милиони долари во купување земјиште во центарот на Лас Вегас, каде што беа изградени нов пит-комплекс и падок.
Претседателот и извршен директор на Формула 1, Стефано Доменикали, изјави дека продолжувањето на партнерството е потврда за долгорочната посветеност на американскиот пазар.
„Воодушевени сме што Формула 1 ќе продолжи да се трка во Лас Вегас уште многу години. Отсекогаш верувавме дека Лас Вегас ќе стане еден од столбовите на нашето присуство во Соединетите Американски Држави, а новото продолжување на договорот и успесите од претходните години дополнително ја потврдуваат нашата долгорочна посветеност на овој важен пазар“, рече Доменикали.
Подготвеноста на Формула 1 да финансира голем дел од проектот со сопствени средства беше една од клучните причини зошто градските власти го поддржаа одржувањето на трката и затворањето на дел од Стрипот пред познатите казино-хотели.
Трката се покажа како огромен успех за Лас Вегас, претворајќи го викендот пред Денот на благодарноста, кој претходно беше меѓу најслабите во годината во однос на приходите, во еден од најпрофитабилните настани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
