Македонскиот фудбал доби нов капитален објект од огромно значење за условите за работа на најмладите наши фудбалски генерации. Претседателот на УЕФА, Александер Чеферин и техничкиот директор на ФИФА, Марко Ван Бастен го збогатија денешниот настан на кој присуствуваа и голем број домашни фудбалски личности, меѓу кои и поранешниот наши репрезентативци Николче Новески, Јане Николоски, Срѓан Захариевски, Арџент Беќири…, тренерот на Вардар, Чедомир Јаневски, македонските селектори Игор Ангеловски и Благоја Милевски… , истакнати домашни легенди Кирил Дојчиновски, Вујадин Станојковиќ, Ѓоре Јовановски, Кочо Димитровски, Благоја Истатов…, како и директорот на Агенцијата за млади и спорт, Дарко Каевски, советникот на претседателот на Владата на РМ за спорт, Даниел Димевски како и градоначалникот на Скопје, Петре Шилегов.
Новиот објект на ФФМ официјално беше отворен од Чеферин, Ван Бастен, претседателот на ФФМ, Илчо Ѓорѓиоски и потпретседателот на Владата на РМ, Кочо Анѓушев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
