Управниот одбор на Фудбалската федерација на Македонија на денешната седница оддржана во „Куќа на фудбалот“ донесе одлука за исплата на парична награда награда за македонската А репрезентација во износ од 150.000 Евра за мартовските натпревари (Романија, Лихтенштајн и Германија) од квалификациите за Светското првенство 2022 година.
Исто така од УО донесоа одлука дека секоја победа од групната фаза на Европското првенство ќе ја вреднува со 300.000 евра како парична награда за македонската А репрезентација, a секој нерешен резултат на натпреварите од групната фаза на Европското првенство ќе го вреднува со 150.000 евра како парична награда за македонската А репрезентација.
У.О. на ФФМ донесе одлука со која доколку македонската А репрезентација ја помине групната фаза од Европското првенство, националниот А тим ќе добие 30 проценти од износот кој ќе се добие од паричната награда од УЕФА по покривањето на трошоците за учество на натпреварувањето;
Повикот за фудбалери за претстојното Европско првенство ќе изнесува 1500 Евра, а дополнителни 1500 Евра ќе се исплатат на име повик доколку македонската А репрезентација ја помине групната фаза од ЕП.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
