Горан Главчев и Дејан Србиновски продолжуваат да го носат дресот на Академија ФМП и во наредната сезона.
Главчев кој во својата кариера настапуваше за Кожув, Младост Земун, Блокотехна и изминатата сезона го носеше дресот на Работнички, е подготвен да биде дел од еден нов предизвик.
„Претходната сезона поминав нецели два месеца во клубот и со мене понесов убави впечатоци. Сега имаме нов тренер со кој што досега немам соработувано меѓутоа за неговата работа имам слушнато само пофални зборови и ќе ми биде чест да бидам дел од таков еден предизвик“ – вели Главчев.
Србиновски кој веќе трета сезона по ред ќе го носи дресот на Академија ФМП, во својата професионална кариера има настапувано за екипите на Вардар и Куманово каде што соработуваше со новиот тренер Петровиќ и е запознаен со неговиот начин на работа.
„Ми претставува задоволство што ќе го носам дресот на Академија ФМП и во наредната сезона. Се надевам на успешна сезона и подобри резултати од изминатата и дека ќе ги оправдам очекувањата од тренерот Петровиќ“ – истакнува Србиновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА