Реал Мадрид ќе биде сериозно ослабен во одбранбената линија за вечерашниот дуел со Ливерпул откако „кралевите“ по Серхио Рамос останаа и без вториот стандарден централен дефанзивец. Рафаел Варан го очекуваат најмалку десет дена надвор од терените откако францускиот дефанзивец бил позитивен на Covid-19 на задолжителното тестирање пред дуелот со Ливерпул.
Реал Мадрид го потврди најновиот позитивен случај во своите редови, објавувајќи дека Французинот веднаш заминал во самоизолација во својот дом. Во отсуство на Варан и на Рамос, Зидан нема избор и ќе мора да експериментира со тандемот Начо – Милитао во последната одбранбена линија.
„Кралевите“ ги очекува пеколен распоред ако се знае дека меѓу двете средби со Ливерпул викендов ќе го играат и големото шпанско дерби против Барселона, пресметка што Варан и Рамос исто така ќе ја пропуштат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА