Најдобриот светски тенисер Новак Ѓоковиќ нема да патува на претстојниот АТП куп во Сиднеј, кој започнува во сабота на 1 јануари, кога е планиран неговиот дуел со Норвежанецот Каспер Руда.
Оваа по малку шокантна информација ја пренесе „Блиспорт“, нагласувајќи дека првиот тенисер во светот се уште тренира, но дека речиси и да нема шанси на почетокот на годината да се појави во Австралија.
Останува да се види дали Ѓоковиќ ќе игра на Австралија опен, кој стартува на 17 јануари и кој го освојуваше во претходните три наврати.
Стравувањата поради вакцината и „тактиката“ да дојде во Мелбурн преку Сиднеј ја попречуваат можноста Србинот да стигне до четвртата последователна титула на првиот Грен слем сезонава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
