Лоренцо Мусети ќе биде противникот на Новак Ѓоковиќ во петочното полуфинале на Вимблдон откако италијанскиот тенисер славеше во денешниот маратон против Тејлор Фриц, по голема битка триумфирајќи со 3-2 во сетови. Ѓоковиќ денеска без борба успеа да го елиминира Де Минор кој се откажа од четвртфиналната пресметка поради повреда, а во прилог на Србинот оди и исходот од последното четвртфинале, ако се знае дека Мусети моментно е 25. рангиран на АТП-листата, додека одличниот сервер Фриц се наоѓаше на 12. место на последното тениско рангирање.
Американецот тргна моќно и рутински го доби првиот сет со 3-6, а потоа и направи брејк при првиот гејм од вториот сет. Мусети не дозволи колата целосно да тргна надолу, возврати со рибрејк за 1-1, по што по голема битка италијанскиот тенисер славеше во вториот сет, во тајбрејк со 7-5. Полн со самодоверба Мусети го одигра доминантно третиот дел од мечот добивајќи го со 6-2, но Фриц успеа да се врати, со подобра игра во четвртиот славејќи со 3-6 и се избори за решавачки сет.
Во петтиот сет сепак немаше никаква неизвесност, откако Мусети отвори извонредно и поведе со 5-0, на крајот триумфирајќи со 6-1 за свое прво полуфинале на гранслем турнирите во кариерата.
Во второто полуфинале на Вимблдон ќе се сретнат Карлос Алкараз и Данил Медведев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
