Новак Ѓоковиќ не го ни приметил Ник Кирјос кој од трибините го следел натпреварот во двојки од Дејвис куп пресметката меѓу Србија и Франција.
А, Кирјос како што пренесуваат дел од медиумите отворено се радувал на грешките на српските тенисери. Ѓоковиќ, околу сето тоа, потенцираше дека воопшто не му сметале провокациите на Кирјос и дека воопшто не го ни приметил контроверзниот Австралиец со грчко потекло.
„Да бидам искрен и не ми сметаше. Всушност и воопшто не го видов на трибините. После на социјалните мрежи видов дека бил присутен на мечот“ – рече Ѓоковиќ.
Според српскиот тенисер добро е што други тенисери доаѓаат да ги следат мечевите на своите ривали.
„Мислам дека е интересно што дошол на мечот и гледал дуел на други репрезентации. Добро е за атмосферата, а интересно им е и на присутните навивачи на трибините, како и на гледачите покрај малите екрани“ – дополни Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА