Хрватска е првиот полуфиналист во Дејвис-купот откако по голема битка славеше над Србија со 2-1 во победи. Новак Ѓоковиќ беше главен адут на Србите, но прворангираниот светски тенисер немаше сили самиот да ја одведе својата селекција во следната рунда.
Ѓоковиќ го доби сингл дуелот со Чилиќ со 2-0 во сетови, но Лајовиќ прокоцка предност од 1-0 во сетови во вториот сингл против аутсајдерот Гојо (279. тенисер на АТП-листата).
На крајот решаваше дубл-пресметката, за која српскиот селектор Троицки донесе неочекувана одлука, во последен момент вклучувајќи го Крајиновиќ како партнер за Ѓоковиќ, изоставувајќи го Ќачиќ, кој важи за најдобар дубл-тенисер на нашиот северен сосед. Хрватите знаеја како да го искористат тоа, па со дубл-победата на Мектиќ – Павиќ од 7-5, 6-1 се пласираа во полуфиналето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА