Легендарната чешка тенисерка Мартина Навратилова даде свој став околу дисквалификацијата на Новак Ѓоковиќ од УС опен. Навратилова смета дека Новак морал да се појави на прес и пред новинарите да даде свој став околу целата ситуација.
„Направи грешка Новак во дел од секундата, имаше време да размисли, но побегна. Немаше храброст да дојде на конференцијата за медиуми и да го објасни својот потег. Тоа е како извинување без извинување. За мене е тоа како да раскинувате со девојка преку мејл. Тоа не се прави така“, изјави Навратилова.
За потсетување Србинот беше дисквалификуван откако при негатива од 6-5 во првиот сет против Карено Буста несмасно ја удри линиската судијка со топче.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
