Најдобриот тенисер на денешницата Новак Ѓоковиќ продолжува да го зголемува сопствениот рекорд по бројот на недели поминати на врвот на светскиот тенис. Тој денес ја започна 351-та недела како прв тенисер во светот.
Српскиот тенисер по седми пат во својата кариера годината ја завршува на лидерската позиција на АТП листата – најмногу во историјата на тенисот. Ѓоковиќ на 8 март годинава го надмина Швајцарецот Роџер Федерер по бројот на недели поминати на врвот на АТП (310) и оттогаш само го зголемува рекордот.
Пред него, единствена во историјата на тенисот е Германката Штефи Граф, која на првото место минала 377 недели.
Српскиот тенисер со 11.540 бодови ја чува првата позиција и има 2.900 бодови повеќе од второпласираниот Русин, Данило Медведев. Потоа следуваат Германецот Александар Зверев, Гркот Стефанос Циципас и Русинот Андреј Рубљев, а меѓу првите десет во светот се уште Рафаел Надал, Матео Бератини, Каспер Руд, Хуберт Хуркач и Јаник Синер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА