Првиот рекет на светот Новак Ѓоквиќ имаше тежок меч против сонародникот Филип Краиновиќ во осминафиналето од АТП Мастерс 1000 турнирот во Рим. Иако Новак го доби мечот со маскимални 2-0 по сетови 7-6 и 6-3 не беше така лесно. Во првиот сет Краиновиќ цело време беше во егал, а најдобриот тенисер во светот успеа да го скрши отпорот дури во тај-брејкот кој го доби со 9-7. Во вториот сет поискусниот Србин направи два брејка кои беа доволни за прв триумф против Краиновиќ и израмнување на 1-1 во меѓусебните дуели.
Во четвртфиналето Ѓоковиќ ќе игра со подобриот од мечот меѓу младата италијанска сензација Лоренцо Мусети и Германецот Доминик Кефер. Меѓу осумте најдобри во машкиот дел од турнирот досега пласман обезбедија и Григор Димитров, Матео Беретини, Денис Шаповалов и Каспер Руд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА