Двајца тинејџери загинаа во судир на белгискиот собир Кондро-Хуј во близина на градот Ванзе, кога еден од возачите излетал од патот и удрил во група гледачи.
Несреќата се случила кога Шкода Фабија, во која се наоѓал екипажот Емерик Рери и Фабрис Анри, излетала од патеката и влетала во група гледачи. Во несреќата загинаа 16-годишно девојче и 18-годишно момче, а повредени се уште 11 лица.
Никој од повредените не е во критична состојба. Возачот и сопатникот исто така се пренесени во болница, но не се сериозно повредени и допрва треба да бидат сослушани во полиција. Обвинителството ги истражува околностите на несреќата.
Возилото допрва треба да биде прегледано, но се претпоставува дека до несреќата дошло поради лошите временски услови и лизгавата површина.
Two spectators killed at Condroz Rally in Belgium https://t.co/cCMGPEq6E4 #Belga #Belgium #rally #condrozrally pic.twitter.com/DdrXUyzCTt
— Belga News Agency_English (@Belga_English) November 6, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
