Лина Ѓорческа успешно стаартуваше со својот настап на челинџ-турнирот што се игра во Рим за награден фонд од 25.000 долари, откако славеше со 2-1 на мечот со Илона Кремен од Белорусија.
Македонката, која е втора носителка на турнирот, беше непријатно изненадена на стартот, па Кремен го доби првиот сет со 3-6. Ѓорческа експресно влезе во ритам, го доби вториот сет со 6-2, а потоа фуриозно стартуваше и во третиот сет, поведувајќи со 5-0. Белоруската тенисерка успеа само да намали на 5-2 но Ѓорческа одговори со нов брејк за победа од 2-1 во сетови и пласман во осминафиналето.
Во следната рунда најдобрата македонска тенисерка ќе се сретне со квалификантката Дука од Романија, која денеска славеше над Украинката Јастремска со 2-1 во сетови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
