На општо задоволство на бразилската нација, Нејмар доби покана од Карло Анчелоти за настап на Светското првенство 2026.
Ѕвездата на Сантос моментално има проблеми со повреди. Тој ќе ги пропушти подготвителните натпревари на „кариоките“, што сигурно не му се допаѓа на Дон Карло, кој буквално се согласи да го покани овој фудбалер под голем притисок од јавноста и од првиот човек на федерацијата.
Сепак, ништо не може да промени една од неговите одлуки. Нејмар нема да го добие дресот со број 10. Тој му припаѓа на Винисиус Жуниор.
„Во Бразил ‘гори’ поради дресот со број 10. Анчелоти донесе одлука Винисиус Жуниор да го носи бројот 10. Нејмар ќе го носи бројот 13 на грб“, се вели во соопштението.
Карло Анчелоти едноставно не можеше да дозволи да му кажат на кого да го даде дресот со број 10. Тоа едноставно би било премногу во овој случај, а очигледно не инсистираше ниту федерацијата.
Токму распределбата на улогите во соблекувалната најмногу ја интригира јавноста во Бразил. Винисиус веќе е проектиран како лидер на оваа генерација, додека Нејмар се гледа во тренерскиот штаб пред сè како луксузна опција од клупата, но и како фигура која, со своето искуство и харизма, може да ги смири тензиите во најчувствителните моменти од турнирот.
Она што е сигурно – Нејмар нема да биде во почетниот состав. Шанса ќе чека од клупата и барем Анчелоти е слободен да избере таму. Да беше поинаку, ќе му беше тешко да каже „да“.
Нејмар го носеше дресот на Бразил на 128 натпревари. Постигна дури 79 гола. Бразил пристигнува на Светското првенство како еден од фаворитите. Целта на Карло Анчелоти е трофејот што Бразил го чека од 2002 година.
Групната фаза им носи три сосема различни фудбалски школи на Бразилците. Противници се Мароко, Хаити и Шкотска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
