Кошаркарите на Гостивар дополнително се зацврстија на петата позиција на табелата во Првата македонска кошаркарска лига, откако со пресврт дури по продолжение славеа со 115-109 против ТФТ во 21. коло.
Гостиварци лошо го почнаа натпреварот, откако првиот период од играта мина во знакот на гостите кои го добија со 20-33. Во продолжението гостиварци заиграа далеку подобри и од четвртина до четвртина, полека но сигурно ја анулираа предноста на ТФТ.
На пет минути пред крајот на натпреварот ТФТ имаше предност и од 78-84. Но, со фуриозен финиш Гостивар дојде и до водство од 90-86, за да сепак гостите во финишот дојдат до продолжение, израмнувајќи на 92-92.
Но, продолжението од пет минути комплетно им припадна на кошаркарите на Гостивар кои успеаја да дојдат до победа од 115-109.
Најефикасен во победничкиот тим беше Тодоровиќ со 28 поени, а Костоски дуелот го заврши со 27 поени и 10 скока. Харис со 26 поени и осум асистенции беше најдобриот поединец кај ТФТ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА