Досегашниот тренер на Вардар, а актуелен македонски селектор Гоце Седлоски на прес-конференцијата при соопштувањето на списокот на Македонија за престојните пријателски натпревари против БиХ и против Турција, се осврна и на срамната прослава на вардаровите фудбалери по освојувањето на шампионската титула.
Седлоски се извини во лично негово име, но и во име на целиот тим на Вардар, за непристојните навредливи песни за време на прославата.
„Би сакал во мое лично име, но и во име на целиот тим на Вардар, да се извинам на македонската јавност за песната која беше пеена на шампионската прослава на Вардар во Струга. Секако дека тоа е нешто со кое не може да се гордее ниту еден вардаров поединец“ – истакна на денешната прес-конференција Седлоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
