Атлетико Мадрид продолжува со слабите игри во Примера дивизион откако европскиот вицешампион вечерва одигра само 1-1 на гостувањето против Ла Коруња. Иако против себе имаше тим што долго време не знае за победа, составот на Диего Симеоне се мачеше да го скрши отпорот на домашниот тим.
Ла Коруња и прва поведе со голот на Андоне по слабото исфрлање на Јан Облак, а „јорганџиите“ од пораз ги спаси Антоан Гризман со фантастичен погодок од околу 25 метри..
Фернандо Торес имаше одлична шанса, голманот Лукс беше на висина на задачата, а голгетерот на Атлетико во финишот заработи страшна повреда и веднаш со амбулантно возило беше пренесен во најблиската клиника. Во финишот и на двата тима не им беше премногу до фудбал по немилите сцени околу повредата на Торес, па мечот заврши со израмнети 1-1.
Florin Andone Goal HD – Dep. La Coruna 1-0 Atl… by Video-Live
Antoine Griezmann Goal HD – Deportivo La Coruna… by Amadora-
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
