Стојан Ѓуроски експресно се наметна како лидер на тимот на Хуеска, предводејќи го до нова победа, овојпат на домашен терен против екипата на Рио Оуренсе со резултат 79-74.
Македонскиот репрезентативец ја презеде одговорноста во првото полувреме од натпреварот, кога беше незапирлив за гостите и реализираше 16 поени. На крајот на Ѓуроски му недостигаше само еден скок за дабл-дабл (18 поени, 9 скок и две асистенции), бројки со кој Македонецот беше најзаслужен за новиот триумф.
Хуеска се наоѓа на третото место на табелата со скор од пет победи и два порази, еден триумф помалку од водечките Леида и Паленсија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
