Менаџерот на Манчестер сити, Пеп Гвардиола, ги изненади непријатно фановите на својот клуб, истакнувајќи дека градскиот ривал Манчестер јунајтед е развојно десет години пред „граѓаните“. Ова секако не се добредојдени зборови за симпатизерите на Манчестер сити, а посебно кога доаѓаат од сопствениот тренер. Но, Гвардиола тврди дека Сити нема доволно искуство со настапи во европските купови, за разлика од Манчестер јунајтед.
„Имате толку многу историја во дресовите на Барселона, Јувентус, Баерн Минхен или Манчестер јунајтед. Тоа не се надоместува така лесно. Искуството од настапите во Европа не можат да го заменат ниту трофеите. Овие клубови се десет години напред во однос на другите, а Манчестер сити допрва треба да го мине тој развоен пат. Ние сега треба да ги убедиме љубителите на фудбалот ширум светот дека сме способни за најголеми дострели во европските купови. Нашите фанови секако не поддржуваат, но тоа не е доволно за да станете голем клуб во светски рамки“, изјави Пеп Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
