Во хаотичната трка на патеката во Брно, Франческо Бањаја излезе на врвот. Италијанецот на Дукати ја однесе својата прва победа оваа сезона, искористувајќи ги бројните инциденти и проблеми од своите конкуренти.
Зад него, целта ја помина јапонскиот возач Аи Огура , кој ја започна трката од најдобрата стартна позиција, додека Марк Маркез го освои третото место, комплетирајќи ја прославата на Дукати.
Спринт трката беше обележана со бројни падови и излетувања, а меѓу возачите кои не успеаја да ја завршат трката беше и лидерот во генералниот пласман Марко Безеки. Италијанецот на Априлија повторно изгуби поени по пад, што беше негово четврто откажување од спринт трки оваа сезона.
И покрај разочарувањето, Безеки го задржа водството во генералниот пласман во шампионатот. Тој има 180 поени, 15 повеќе од Хорхе Мартин. Шпанецот не можеше значително да профитира од грешката на Безеки и го заврши спринтот на петтото место.
Додека Бањаја славеше долгоочекувана победа, а Маркез повторно беше меѓу најдобрите, програмата во саботата во Брно покажа колку непредвидлив може да биде Мото ГП оваа сезона. Бројни падови и инциденти целосно го потресоа пласманот и најавија уште една возбудлива трка.
Чешката трка се одржува во недела во 14 часот, а по она што се виде во спринтот, малкумина се осмелуваат да го предвидат исходот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
