Во дербито на вечерта во НБА лигата, ЛА Лејкерс со 124-115 славеа против Хјустон на гостински терен. Леброн Џејмс постигна 31 поен, дополнети и со 12 скока, а на спротивната страна не помогнаа ниту Вестбрук со 35 поени и 9 скока и Харден со 34 поени.
Покрај Џејмс, кај Лејкерс одличен беше и Кузма со 23 поени, додека по 20 поени постигнаа Грин и Колдвел-Поуп.
Милвоки без проблеми славеше на гостувањето против Бруклин со 97-117. Адедукомбо беше незадржлив со 29 поени и 12 скока, а му помогна и Мидлтон со 20 поени.
Бостон на домашен терен загуби од Феникс со 119-123. За домашните беше кобен Девин Букер со 39 поени и 10 скока, а една асистенција му недостасуваше за „трипл-дабл“.
Дерик Роуз продолжи со добрите игри, постигнувајќи 27 поени во победата на Детроит од 136-103 против Атланта. Симонс, пак, со 21 поен, седум скока и осум асистенции беше најдобар во победата на Филаделфија во Њујорк од 90-87, додека Чикаго на крилјата на ЛаВајн со 42 поени го победија Кливленд со 118-116.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
