Херојот на Вардар, Михаил Талевски веднаш по мечот не можеше да ја сокрие среќата од освоената прва титула во својата професионална кариера.
Талевски со два гола ја донесе победата од 2-0 на Вардар против Струга ТЛ во финалето на Купот, и по 18 години им овозможи на „црвено-црните“ радост во најмасовното домашно клупско натпреварување.
„Многу сум среќен за ова мое прв куп-финале и мој прв трофеј во професионалната кариера. Пресреќен сум секако и што постигнав два значајни погодоци за освојување на титулата. Вистинска чест ми е што сум дел од една ваква екипа. Ова е само најава за еден голем проект кој следи, ова е само најава за еден голем Вардар кој во иднина ќе носи уште многу радости“ – истакна Талевски по финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
