Кошаркарките на Вардар продолжија со доминацијата во Купот на Македонија во женска конкуренција, трета година по ред стигнувајќи до пехарот во ова натпреварување. Идентично како и во претходните две години, „црвено-црните“ за ривал го имаа шампионот Бадел, кого попладнево рутински го победија со убедливи 50-40.
Самиот број на постигнати поени на Бадел доволно говори за играта во нападот на актуелните шампионки. По првото полувреме резултатот гласеше 26-23 за Вардар, за потоа во вториот дел Бадел за 20 минути да постигне само 17 поени, по што поразот беше неизбежен.
Најдобра поединка во победничкиот тим повторно беше Славица Наков, која беше избрана и за МВП на финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
