Претседателот на ФИФА, Џани Инфантино, се најде на удар на нов бран критики, а овојпат тие доаѓаат од врвот на британската политика. Премиерот на Велика Британија, Енди Барнам, оцени дека првиот човек на светската фудбалска организација не е вистинската личност за таа функција.
Претседателот на ФИФА, Џани Инфантино, се соочува со се поголем притисок, а најновите критики упатени кон него доаѓаат и од политичките кругови. По незадоволството изразено од бројни фудбалски организации, Енди Барнам јавно се спротивстави на лидерот на светската фудбалска организација.
Причина за оваа нова бура е можноста ФИФА да продаде дел од својот сопственички удел во Светското првенство на приватни инвеститори. Таа идеја предизвика негативни реакции кај многу членови на организацијата, кои сметаат дека ваквиот потег би можел дополнително да го комерцијализира најголемиот фудбалски турнир и да ги стави интересите за профит пред спортските вредности.
Барнам отворено ја критикуваше таквата можност и изјави дека самата идеја покажува оти Инфантино не е личноста што треба да ја предводи ФИФА.
„Самата идеја дека такво нешто воопшто би можело да се случи покажува дека, според мене, тој е погрешниот човек за водење на оваа организација“, изјави британскиот премиер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
