Искусниот плејмејкер Ник Калатес ја известил Кошаркарската федерација на Грција дека нема да биде достапен за претстојното Светско првенство.
Како што јавуваат грчките медиуми, тоа е уште еден огромен проблем со кој треба да се справи тренерот Димитрис Итудис бидејќи Калатес го известил дека нема намера да оди на Мундобаскет.
По Костас Слукас и Тајлер Дорси, селекторот на Грција ќе мора да бара начин како да ја пополни празнината во тимот.
Дополнително, се уште не е потврдено каква е ситуацијата со Јанис Адетокумбо и дали ќе може да биде во составот за Светското првенство.
Грција на Мундијалот ќе игра во групата Ц заедно со САД, Јордан и Нов Зеланд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
