Селекторот на машката ракометна репрезентација, Раул Гонзалес, го претрпе првиот пораз во Лигата на шампионите со Пари Сен Жермен. Неговиот тим загуби на гостувањето прптив Сегед со 33-32. Во деветтото коло од елитното клупско натпреварување, составот на Пари Сен Жермен ја почувствува горчината на поразот.
Сегед во првиот дел го изненади францускиот тим со агресивна игра и на полувреме имаше два гола предност (16-14). Возбудливо беше до самиот крај, а славеа домаќините со 33-32. Стефан Сигурмансон со 11 гола го „торпедираше“ ПСЖ, а во францускиот тим најефикасен беше Ремили со осум гола.
Во групата Б, ПСЖ е првопласиран со 16 бода, а следи Сегед со еден бод помалку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
