Златан Ибрахимовиќ повторно навести дека заминува од Милан, главно поради несогласувањата со неамбициозноста на претседателот Иван Газидис.
„Ибра игра за нешто да освои, или во спротивно останува дома“ – одговори Ибрахимовиќ во интервјуто за „Спортсвик“.
„Ми рекоа дека заминувањето во САД е бегање од фудбалот, па затоа се вратив во Милан. Тука сум чисто поради страст, затоа што во основа играм бесплатно… Тогаш се појави и оваа ситуација со коронавирусот, па помислив дека сето тоа ми кажува дека треба да се повлечам. Но, за среќа, се вративме на терен и мојата повреда е минато. По два дена се приклучив на тимот иако сите ми зборуваа дека не треба да брзам. Но, Ибра е таков“ – вели 39-годишниот шведски напаѓач.
Ибрахимовиќ нагласува дека во Милан без амбиции не сака да остане…
„Ќе видиме што ќе се случи за два месеци, но може да кажам дека Ибра не е играч за Лига Европа, а Милан не е клуб за тоа натпреварување“.
Веќе се најавува и заминување на тренерот Стефано Пиоли кој треба да го наследи Ралф Ренгник.
„Кој е Ренгник? Не знам ни кој е тој“ – во негов стил порачува Ибрахимовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА