Златан Ибрахимовиќ не го криеше задоволството од големата победа на Милан од 4-2 против Јувентус, по голем пресврт и покрај предноста на „Старата дама“ од 0-2.
По мечот популарниот Ибра нагласи дека Милан би ја освоил и титулата тој порано да пристигнел во клубот.
„Да бев јас овде од почетокот на сезоната ќе ја освоевме титулата“ – рече низ насмевка Ибрахимовиќ најавувајќи и збогување со Милан за еден месец.
„Имам уште еден месец да се забавувам. Единствено ми е жал што навивачите повеќе никогаш нема да може да ме видат во живо. Зошто? Читајте меѓу редови. Стар сум, тоа не е тајна, но годините се само бројка. Ми оди добро, се обидувам да му помогнам на тимот“.
А, дали можеби се подготвува за тренер?
„Јас сум претседател, играч и тренер! Единствениот проблем е што добивам само една плата, како играч“ – во негов стил одговара Ибрахимовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
