Аргентинскиот интернационалец Гонзало Игуаин ќе се врати во Италија по звавршувањето на сезоната. Тој како позајмен играч од Јувентус пристигна на „Стемфорд бриџ“, а претходно исто така на позајмица играше во Милан. Но, би можел да заврши во друг клуб во Серија А.
Италијанските медиуми најавуваат дека Игуаин е блиску до трансфер во Рома, oсобено доколку и Маурицио Сари, сегашниот менаџер на Челси го напушти Лондон и го преземе составот на „волчицата“. Сари работеше со Игуаин и во Наполи, сега и во Челси, а двајцата заедно ова лето би можеле да се преселат во Рим.
Јувентус е подготвен да го продаде Аргентинецот за 30 милиони евра, само да се ослободи од големата плата што ја зема Игуаин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА