ИХФ објави: Пет финалисти за наградата „Најдобар ракометар за 2021 година“

  • Екипа
  • 28.02.2022 / 12:09
  • СПОДЕЛИ:

Светската ракометна федерација ИХФ денеска го објави списокот од пет финалисти кои ќе бидат во конкуренција за признанието „Најдобар ракометар за 2021 година“.

Петмината финалисти доаѓаат од четири различни држави, светскиот првак Данска има двајца ракометари на листата, додека по еден претставник имаат олимпискиот шампион Франција, како и поранешниот и новиот европски првак Шведска и Шпанија.

Интересно, на финалниот список го нема Микел Хансен, но претставници на Данска се голманот Никлас Ландин и десниот бек Матијас Гидсел.

Алекс Душебајев од Киелце е претставникот на шпанскиот ракомет во овој финален список на ИХФ, во кој за ривали ги има уште и Лудовик Фабрегас, пивотот на Барселона и на француската репрезентација, како и шведскиот „бомбардер“ Џим Готфридсон, кој беше МВП на последниот европски шампионат.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...