Работнички гостува во Тетово против Ренова во петтото коло од Првата македонска фудбалска лига.
По четири одиграни натпревари и двата тима имаат по седум бода, сега и двата со амбиции за нови три во битката за продор на водечките места на табелата.
Дефанзивецот на „романтичарите“, Бојан Илиевски очекува тежок и неизвесен натпревар.
„Ренова е квалитетен тим кој дополнително се засили во преодниот рок и добро ја започна новата сезона. Играат цврсто, посебно на домашен терен и не дозволуваат често да се тресе нивната мрежа. Очекувам тежок и неизвесен натпревар утре во Тетово во кој една грешка или еден добар потег би можеле да бидат решавачки за резултатот. Што се однесува до нас, Работнички е подготвен за надигрување, веруваме дека ќе одиграме на потребното ниво и дека ќе ги исполниме задачите што ќе ги постави шефот на стручниот штаб Александар Влахо. Ако го сториме тоа, верувам дека можеме да оствариме позитивен резултат“ – вели Бојан Илиевски.
ПРВА ЛИГА (5. КОЛО – денеска, 16 ч.)
Тетово: РЕНОВА – РАБОТНИЧКИ
Штип: БРЕГАЛНИЦА – АК. ПАНДЕВ
Скопје: ШКУПИ – СКОПЈЕ
Битола: ПЕЛИСТЕР – ШКЕНДИЈА
Кавадарци: ТИКВЕШ – СТРУГА ТЛ
Скопје: МАКЕДОНИЈА ЃП – БОРЕЦ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
