Барселона со негатива од три гола (0-3) го пречекува Јувентус вечерва на „Камп Ноу“, а фудбалерите на каталонскиот гигант се надеваат дека можат да направат уште едно чудо како во минатата рунда од Лигата на шампионите, кога и водство од 4-0 на ПСЖ не му беше доволна гаранција за пласман во четвртфиналето. Токму тоа го потенцира и капитенот Андрес Иниеста пред денешниот реванш.
„Барселона никогаш не се предава. Ние знаеме дека можеме да надоместиме и поголема негатива. А и фудбалерите на Јувентус знаат како си помина ПСЖ на „Камп Ноу“. Едната половина од двомечот заврши неславно за нас во Торино, но допрва следат 90 минути пред нашата публика. Ако проработи вулканот на „Камп Ноу“, тогаш се е можно и ние веруваме во таков развој на настаните“, вели Андрес Иниеста во пресрет на вториот дуел со „старата дама“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
