Португалскиот тренер Жозе Мурињо кариерата може да ја продолжи во Серија А, а „Скај спорт Италија“ пренесува дека раководните лица на Интер и Рома веќе го контактирале „Специјалниот“. Португалецот изјави дека е подготвен да се врати следната сезона, а не е исклучено повторно да седне на клупата на Интер на местото на Лучијано Спалети.
Мурињо од 2008 до 2010 година ги предводеше „нероаѕурите“ со кои два пати беше шампион на Италија, а еднаш ја освои Лигата на шампионите. Португалецот е подотвен и на отстапки, наместо 10 милиони евра годишно, да заработува два милиони помалку.
Претседателот на Интер, Хавиер Занети го подржува враќањето на Мурињо, а генералниот директор Џузепе Марота смета дека најдобро решение е ангажирање на Антонио Конте.
Мурињо на средината на декември доби отказ од Манчестер Јунајтед, а претходно во кариерата ги водеше тимовите на: Порто, Челси и Реал Мадрид.
Како „план Б“ останува Рома, клуб што исто така најавува сериозни промени за наредната сезона. Јасно е дека Раниери нема да остане на клупата, ќе биде обезбеден и буџет за квалитетни засилувања, па интересно ќе биде да се види дали „волчицата“ ќе успее да го убеди трофејниот стратег да седне на клупата на овој клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
