Челниците на Интер се одлучни во јануарскиот преоден рок да го доведат Македонецот кој одлучи да игра за репрезентацијата на Шведска, Дејан Кулушевски.
Како што пренесуваат италијанските медиуми, младиот Кулушевски е прв на листата на желби на Антонио Конте, па од Интер се подготвени да направат се за од следната година да го облече сино-црниот дрес. Интер веќе подготвил понуда од 35 милиони евра на која се согласила и Аталанта. Но, за да се реализира трансферот неопходно е Парма, каде во моментов е на позајмица, да се согласи да замине среде сезона.
Засега, според последните информации, од Парма не сакаат да слушнат за ослободување пред јуни следната година. Кулушевски сезонава за Парма запиша 13 настапи постигнувајќи три гола, а дополнети и со дури пет асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
