Возачот на „Априлија“, Марко Беѕеки, го постави најбрзиот круг во квалификациите за Големата награда на Италија на автодромот Муџело. Италијанецот ја запре штоперицата на 1:43.921 минута што беше доволно за водечката позиција на трката во недела.
Вистинска еуфорија се виде во боксот на „Априлија“, и тоа со добра причина. Втората позиција на стартната линија ја зазеде Раул Фернандес, возач на „Тракхаус“, кој исто така управува со мотор на „Априлија“, додека Хорхе Мартин е на третото место.
Благодарение на тој настап на Шпанците, имено времето на Фернандез од 1:44.145 и 1:44.284 минути на Мартин, „Априлија“ постигна историски успех бидејќи само нејзините машини се во првиот ред, што никогаш не се случило во историјата на кралската класа.
Спринт трката во Муџело е закажана за 15 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
