Поранешниот младински репрезентативец на Македонија, Јасир Асани запиша хет-трик во победата на Гвангжу од 5-0 против Инчон во 4. коло од најсилната лига на Јужна Кореја.
Асани уште во 9. минута погоди со убав шут за водство од 1-0 на својот тим, а потоа стрелаше и во 69. минута за 4-0 и во 72. минута постигнувајќи евро-гол директно од слободен удар од 30 метри за конечни 5-0.
Со овие три гола, Асани веќе има четири погодоци на стартот од шампионатот во Јужна Кореја.
- Погодокот на Асани директно од слободен удар од 30 метри може да го погледнете на временскиот исечок 1:53…
Асани, пред неколку години се одлучи да прифати повик на Албанија и да го смени спортскиот пасош на ФИФА со ветувања дека ќе игра за албанската селекција. Но, откако не се реализираа тие најави, а Асани воопшто не се најде на списокот на сениорската селекција на официјални натпревари, сега повторно се потенцира можноста дека би сакал повторно да го облече македонскиот репрезентативен дрес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
