Јубилејното 100. дерби во хрватскиот шампионат меѓу Динамо Загреб и Хајдук во знакот на македонските репрезентативци.
Динамо Загреб славеше со убедливи 4-1 благодарение на извонредното второ полувреме, а во кое Аријан Адеми го постигна вториот гол за водство од 2-1 на „модрите“ во 64. минута а Стефан Ристовски, пак, во 84. минута одлично му асистираше на Гојак за голот за 3-1.
Претходно, Јани Атанасов со феноменалниот погодок во последните секунди од првото полувреме донесе водство за Хајдук од 0-1, но очигледно само ги налути домашните на крајот на „Максимир“ да слават убедлива победа.
Стефан Ристовски го одигра целиот натпревар за Динамо Загреб, Адеми одигра 75 минути, а Атанасов во дресот на Хајдук одигра 60 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
