Машката кадетска ракометна репрезентација на Македонија го забележа и вториот пораз на меѓународниот турнир „Трофеј Карпати“.
По вчерашниот убедлив пораз од Египет, нашите надежи денеска беа поразени и од домаќинот Романија со 23-28. Нашите момци одиграа квалитетно прво полувреме во кое цело време ја имаа предноста, а на пауза заминаа со минимална позитива од 13-12.
Сепак, во вториот дел следеше голем пад, па домаќините со одлична игра успеаја да стигнат до конечен триумф од 23-28. Утре Македонија во мечот за третото место на турнирот ќе се сретне со Црна Гора, додека во финалето Романија за противник ќе го има Египет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
