Далас синоќа славеше против Хјустон со 107-104 во НБА лигата, во меч во кој уште еднаш неверојатен беше Словенецот Лука Дончиќ.
Триумфот на Далас немаше да биде можен без словенечкото момче кое при резултат 102-94 за гостите, во последните минути врза 11 поени и го реши мечот во корист на домашните. На крајот Дончиќ заврши со 21 поен (11 во последните пет минути), дополнети и со осум асистенции и два скока. Но, покажа дека е роден за големи нешта и дека е лидер кој со 19 години во најсилната кошаркарска лига во светот знае што треба кога е најважно.
Luka Doncic went on his own 11-0 run in WINNING TIME ? (via @dallasmavs) pic.twitter.com/bmOoglgFf7
— SLAM (@SLAMonline) December 9, 2018
Џејмс Харден инаку постигна 35 поени, плус и со осум асистенции, но тоа не беше доволно против неверојатниот млад Словенец.
Кошаркарите на Денвер го доживеаја и вториот едноподруго пораз, овој пат од Атланта со 106-98.
Атланта до победата ја водеше крилниот центар Џон Колинс со 30 поени, 12 скока и пет асистенции, а Бембри дополни со 18 поени, додека Винс Картер имаше 13 поени.
Српскиот центар Никола Јокиќ беше најдобар кај Денвер со 24 поени, 11 скока и седум асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
