Најдобриот македонски тенисер, Калин Ивановски, загуби на стартот на ИТФ 25 турнирот кој се игра во Златибор. Ивановски кој два месеци паузираше поради повреда на раката, е поразен од Јапонецот, Рио Табата во три сета и тоа со 6:1,4:6,10:6.
Ивановски кој последниот меч го одигра во јули, го загуби првиот сет со 6:1. Во вториот сет Табата прв направи брејк и поведе со 2:0 во гемови, но Ивановски успеа да направи пресврт и со два брејка го доби сетот со 6:4.
Во третиот сет се играше на поени, а Табата го доби сетот со 10-6. Сетот се играше на поени од причина што организаторите имаа проблеми со одигрувањето на мечевите претходните денови поради лошото време.
Ивановски следната недела ќе настапи на турнир во Пардубице, Чешка.
И вториот Дејвис куп репрезентативец на Македонија, Олег Приходко настапува на овој турнир и во првото коло без поголеми проблеми го победи Вељко Крстиќ со 2-0 во сетови (62 61). Приходко настапува и во конкуренција на двојки со Денис Клок, а утре во полуфиналето ќе играат против Алекс Генчев и Ентони Гемов од Бугарија. Приходко утре ако победи против Дражен Петровиќ од БиХ во второто коло, ќе го игра и четвртфиналниот меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
