Македонскиот тенисер Калин Ивановски успеа да го мине првото коло на ИТФ турнирот што се игра во чешкиот град Пардубице со награден фонд од 30.000 американски долари. Ивановски на стартот од турнирот беше подобар од домашниот тенисер, Патрик Хомола, во два сета и тоа со 6:4, 6;4.
На стартот од мечот имаше два брејк гема, прво Ивановски го загуби својот, но веднаш го врати со ри-брејк. Клучниот гем во првиот беше седмиот кога Ивановски направи брејк по 18 одиграни поени.
Во вториот сет клучниот гем беше осмиот кога по 16 одиграни поени македонскиот тенисер изедначи на 4:4, а успеа да спаси три брејк топки. Во следниот гем веднаш направи брејк за водство од 5:4. Во последниот гем Ивановски не загуби поен и мечот го заврши со ас сервис.
Во следното коло Ивановски ќе игра против Клаус Пенинг од Германија, кој го елиминира Мартин Сукал од Чешка со 2-0 во сетови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
