Никола Калиниќ е суспендиран на два натпревари поради инцидентот на натпреварот со Златибор, потврди КЛС. Кошаркарот на Црвена Звезда ќе мора да плати и казна од 7.000 евра.
Ова значи дека нема да може да настапи за црвено-белите во финалната серија од лигата. Тој сигурно ќе го пропушти решавачкиот трет натпревар од серијата, кој се игра во салата „Александар Николиќ“.
За потсетување за време на споменатиот натпревар во Чајетина, Калиниќ го удри противничкиот играч, Словенецот Чибеј, по што на паркетот настана тепачка. Гореспоменатиот Чибеј, како и неговите соиграчи Стефан Савиќ и Американецот Витфилд, беа казнети со по 1.000 евра за учество во инцидентот.
Иста сума ќе платат и Ебука Изунда и Дејан Давидовац од Звезда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
