Кошаркарите на Канзас Џејхокс се нови шампиони во НЦАА лигата откако остварија триумф над Северна Каролина во финалето на плеј-офот. Канзас стигна до трофејот благодарение на големиот пресврт, откако се вратија од минус 15 поени, и победија со резултат 72-69.
Џејхокси така стигнаа до својот четврти трофеј, а прв после 2008 година.
После катастрофалното прво полувреме во кое постигнаа само 25 поени, во вторите 20 минути одиграа импресивно и на крајот победија. Минус од 15 поени на полувремето е четврта најголема разлика која една екипа од НЦАА лигата успеала да надомести.
Дуелот го реши Дејвид Мокормак во самиот финиш на средбата, откако на 1:20 до крајот погоди хорок и донесе предност. Во следниот напад Северна Каролина изгуби топка, а Мекормак погоди тројка на 22 секунди до крајот. На крајот се покажа дека тоа е конечен резултат затоа што Лав и Џонсон промашија тројки, а потоа Лав уште еднаш се обиде, но немаше поени.
The King has been crowned pic.twitter.com/K1IuL03PiR
— Kansas Jayhawk Fans (@FansOfKU) April 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА